Ambasada e Rusisë në Uashington i është përgjigjur komenteve të fundit të administratës amerikane për izolimin e Rusisë.
ambasada i quajti trillime fjalët për një izolim të delegacionit rus në takimin e ministrave të jashtëm të G20 në Indonezi, duke thënë se ministrri i Jashtëm “Sergej Lavrov zhvilloi një sërë takimesh produktive me kolegë nga vende të tjera”.
“I kushtuam vëmendje deklaratës së zyrës së shtypit të Departamentit të Shtetit se vendi ynë gjoja ishte i izoluar nga pjesa tjetër e botës ekonomikisht, politikisht, kulturalisht dhe diplomatikisht.
Fjalë të tilla nuk janë gjë tjetër veçse një përpjekje për të dhënë mendime të dëshiruara. Udhëheqja ruse është e përfshirë në mënyrë aktive në proceset ndërkombëtare dhe është në kontakt të vazhdueshëm me krerët e shumicës së vendeve të botës.
Sa i përket deklaratave për “izolimin” e delegacionit tonë në takimin e ministrave të jashtëm të G20 në Indonezi, kjo është një trillim i plotë. Ministri i Jashtëm rus Sergej Lavrov zhvilloi një sërë takimesh produktive me kolegë nga vende të tjera.
Deklaratat e paargumentuara të amerikanëve i ngjajnë një seance autohipnoze. Në vend që të pranojnë pamundësinë e izolimit të Rusisë, ata preferojnë të zbaviten me iluzione. Ne shohim në këtë një dëshirë për të bindur qytetarët amerikanë për justifikimin e kursit anti-rus dhe sanksionet e paligjshme perëndimore, të cilat kthehen në kosto të mëdha për iniciatorët e tyre”, thuhet në deklaratë. /abcnews.al
