Kreu i SPAK Altin Dumani në SHBA, vizitë në Departamentin Amerikan të Shtetit

Drejtuesi i Prokurorisë së Posaçme (SPAK), Altin Dumani, ndodhet aktualisht në Shtetet e Bashkuara të Amerikës, ku këtë të martë pritet të zhvillojë një takim të rëndësishëm në Departamentin Amerikan të Shtetit, në Uashington.

Takimi, i cili do të mbahet në orën 22:30 sipas orës lokale shqiptare, është konfirmuar edhe në faqen zyrtare të DASH. Dumani do të pritet nga zyrtari Brendan P. Hanrahan, përgjegjës për Çështjet e Europës dhe Euro-Aziatike./abcnews.al