Jose Altafini është pro një ndryshimi rrënjësor te Milani dhe nuk përjashton as ndryshimin e trajnerit. Ish-sulmuesi i kuqezinjve ka dhënë një intervistë për Gazzetta dello Sport dhe flet edhe për Zlatan Ibrahimovic, si dhe për transferimin e mundshëm të Milik nga Napoli.
“Milani ka nevojë për një organizim të përgjithshëm dhe nga ky këndvështrim nuk mund të përjahstohet edhe ndryshimi i trajnerit. Unë nuk them që Pioli nuk është nëj trajner i mirë, por mendoj se ndonjëherë revolucionet janë të mira.
Nuk e di nëse Ragnick është i vetmi për të trajnuar Milanin, por që di që kushdo që ulet në pankinë duhet të ketë fuqi vendimmarrëse, sikur Mourinho kur erdhi tek Interi”, shprehet Altafini për gazetën italiane.
Si një ish-sulmues, nuk mund të mos fliste për repartin e avancuar të kuqezinjve: “Ibra ishte mirë gjatë periudhës që luajti dhe i solli karakter ekipit. Ky Milan ka nevojë për të. Milik? Nuk është ai lojtar që do të bëntë atë kapërcimin e cilësisë, që u duhet kuqezinjve”. /abcnews.al
