Ndoc Mulaj u nda nga jeta pasditen e sotme pasi u rrëzua në humnerë gjatë një ekspedite në Malin e Munellës në Pukë, ku ndodhej bashkë me gazetarin e njohur Alfred Lela.
Kryebashkiaku i Lezhës Pjerin Ndreu me anë të një statusi në rrjetet sociale ka zbuluar miqësinë me Mulajn duke treguar se bashkë kishin planifikuar të bënin një guidë në malet e Nikaj Mërtur. Ai ka ndarë edhe bisedën e fundit me të ndjerin në rrjetet sociale.
“I trishtuar qe na le Ndoc Mulaj Kishim lene nje guide bashke ne malet e Nikaj Mertur, por se mbajte fjalen!
4 vite bashke ne Shkollen e Larte te Ministrise se Brendshme, na njohen, na bene shoke qe se harruam kurre njeri tjetrin. Ndjej dhimbje te thelle per ikjen tende aksidentale. U prehesh ne paqe shoku im!”, shkruan Ndreu. m.v/Abcnews.al
