Juventui bëri hapin ë radhës fals dje ndaj Empolit, duke u mundur me shifrat 1-0 dhe konfirmuar një moment të vështirë për ta. Pas ndeshjes për mediet foli trajneri Max Allegri, i cili theksoi se Juve është një ekip i ri dhe ka shumë vend për përmirësim.
“E filluam mirë, më pas në daljen e parë të gabuar pësuam golin dhe u ndamë. Vrapuam kot dhe e dërguam veten në “kthetrat” e Empolit. Na duhet më shumë qetësi dhe durim. Të luajmë si ekip dhe jo individualisht.
Ka shumë kohë për të rikuperuar, ky grup ka cilësi dhe këto dy hapa të gabuar mund të na bëjnë mirë. Kemi humbur 5 pikë, tani janë grumbullimet e kombëtareve dhe më pas do përgatitemi për një muaj të rëndësishëm me përballje direkte.
Kjo Juve nuk është më e forta që kam stërvitur, kemi shumë të rinj. Duhet të gjejmë ekuilibrat dhe të mos jemi shumë bujarë. Më vjen keq për djemtë sepse ishin shumë të lënduar. Locatelli? Ai po përmirësohet dhe do jetë më mirë pas pushimit.
Mesfusha dha shenja pozitive, Danilo luajti mirë dhe asnjëherë nuk e humbi pozicionin e tij, siç bënë edhe Cuadrado dhe Bonucci. Edhe lojtarët e rinj duhet ta bëjnë këtë.
Ronaldo? Nuk mendojmë më për të. Kam një grup të shkëlqyer. Sigurisht ka gjithmonë punë për të bërë. Nuk duhet të mendojmë se fitoret do vijnë sepse ne jemi Juventusi”, tha Allegri. /abcnews.al
