Loading ...
Enkelejd Alibeaj ka reaguar për arrestimet nga SPAK në lidhje me aferën e inceneratorëve, ndërkohë që është kërkuar edhe prangosja e deputetit socialist Alqi Bllako.
Alibeaj, i cili u komandua si kryetar pas dorëheqjes së Lulzim Bashës, kërkon mbledhjen e menjëhershme të Këshillit të Mandeteve, për të shqyrtuar mandatin e Bllakos. Ai thekson se nuk duhet pritur më asnjë minutë dhe se PD është e vendosur t’i shkojë deri në fund kësaj çështje.
“Pasi jemi njohur nëpërmjet medias me kërkesën e SPAK për kërkesën për autorizim për procedim, kërkojmë mbledhjen e menjëhershme të Këshillit të Mandeteve në Kuvendin e Shqipërisë, për të shqyrtuar mandatin e deputetit të PS, Alqi Bllako, ndaj tëcilit është vendosur masa e arrestit për aferën e inceneratorëve.
Nuk duhet pritur më asnjë minutë. Koha është tani.
Partia Demokratike është e vendosur për ta çuar deri në fund këtë çështje dhe inkurajon drejtësinë të zbardhë deri në fund vjedhjen e shekullit dhe të vendosë para drejtësisë të gjithë përgjegjësit, deri tek zyrtari më të lartë i përfshirë’” shkruan Alibeaj në reagimin e tij. g.v/abcnews.al
