Alfa Romeo Racing ORLEN konfirmon edhe për sezonin e ardhshëm pilotët e saj. Kimi Raikkonen and Antonio Giovinazzi kanë nënshkruar dhe do të zhvillojnë sezonin e tretë me këtë skuderi në Formula 1. Drejtuesit e skuderisë e konsiderojnë skuadrën e tyre si solide dhe këtë lëvizje si diçka që i shërben vazhdimësisë.
Finlandezi, pasi ka nënshkruar, ka deklaruar: “Alfa Romeo Racing ORLEN është më shumë se një ekip për mua, është si një familje e dytë. Shumë nga fytyrat që ishin rreth meje kur bëra debutimin tim në Formula 1 në vitin 2001 janë këtu.
Atmosfera unike e kësaj skuadre më motivon që të vazhdoj në atë që do të jetë sezoni im i 19-të në sport. Nuk do të isha këtu nëse nuk do të besoja në projektin e ekipit apo nëse nuk do të ndjeja atë mund të arrijmë së bashku. Ky është nëj ekip që vlerëson punën dhe i përshtatet stilit tim”.
Më pas foli edhe Antonio Giovinazzi: “Alfa Romeo Racing ORLEN ka qenë shtëpia ime në Formula 1 dy sezonet e fundit dhe jam i lumtur që e zgjas bashkëpunimin edhe për një vit. Skuadra më ka besuar shumë dhe kam bërë çmos që ta shlyej këtë besim me punë dhe përkushtim.
Kemi marrë disa rezultate të mira dhe ndjej se e kam bërë pjesën time që skuadra të përparojë. përpara ka akoma shumë rrugë për t’u bërë dhe më shumë arrijmë më tepër së bashku”. /abcnews.al
