Kryeministri i ri i Kosovës dhe kreu i Lëvizjes së Vetëvendosjes Albin Kurti do të kryejë një vizitë zyrtare në Shqipëri, të martën më 11 shkurt në Tiranë.
Pritet që Kurti në Tiranë të zhvillojë takime me përfaqësuesit më të lartë të institucioneve shtetërore.
Nga axhenda e takimeve që do të zhvillojë Kurti në Tiranë shihet se kryeministri i Kosovës do të pritet nga kryeministri i Shqipërisë Edi Rama. Pas takimit në kryeministri mësohet se dy homologët do të mbajnë një konferencë të përbashkët për shtyp.
Më tej Kryeministri Albin Kurti do të vazhdojnë takimet e tij me Presidentin e Republikës Ilir Meta, Kryetarin e Kuvendit Gramoz Ruçi, Kryetarin e Bashkisë Erion Veliaj.
Sipas axhendës Kurti do të zhvillojë edhe një takim me kreun e Partisë Demokratike Lulzim Basha në selinë e PD.
Që prej momentit të marrjes së detyrës si Kryeministri i Kosovës, Kurti viziton për herë të parë Shqipërinë.
Axhenda e Plotë:
09.00
Ceremonia e mirëseardhjes: (Pallati i Brigadave – media e pranishme)
Në mbërritje, Kryeministri i Kosovës, Sh.T. Albin Kurti pritet nga Kryeministri i Shqipërisë, Sh.T. Edi Rama
Luen himnet e Kosovës dhe Shqipërisë nga Banda Frymore e Forcave të Armatosura
Inspektimi trupave nga të dy Kryeministrat
Prezantimi i delegacioneve
Shtrëngim duarsh dhe foto tek holli i Pallatit të Brigadave, pranë flamujve (media e pranishme)
09.05 – 09.25
Takim kokë më kokë mes dy Kryeministrave
09.25 – 10.10
Mëngjes pune mes dy delegacioneve
Formati: 1+ ….
Vendi: Salla e bibliotekës
10.10 – 10.40
Konferencë e përbashkët për shtyp e Kryeministrit të Kosovës,
Sh.T. Albin Kurti dhe Kryeministrit të Shqipërisë, Sh.T. Edi Rama
10.40
Nisja e delegacionit për në Kryesinë e Kuvendit
10.45 – 11.15
Takim me Sh.T.Z. Gramoz Ruçi, Kryetar i Kuvendit të Shqipërisë
Formati: 1+…..
Vendi: Zyra e Kryetarit të Kuvendit
11.15
Nisja e delegacionit për në Presidencë
11.20 – 11.50
Takim me Sh.T.Z. Ilir Meta, President i Rublikës së Shqipërisë
Formati: 1+…..
Vendi: Presidencë – Salla Skënderbe
11.50
Nisja e delegacionit për në Bashkinë e Tiranës
11.55 – 12.15 Takim me z. Erion Veliaj, Kryetar i Bashkisë së Tiranës
Ceremonia e dhënies së Çelësit të Tiranës Kryeministrit të Kosovës,
Sh.T. Albin Kurti
Formati: 1+…..
Vendi: Zyra e Kryetarit të Bashkisë
12.15
Nisja drejt selisë së Kryesisë së Partisë Demokratike
12.20 – 12.40
Takim me z. Lulzim Basha, Kryetar i Partisë Demokratike
Formati: 1+…..
Vendi: Zyra e Kryetarit të PD
12.40
Nisja drejt PKK Morinë./abcnews.al
