Një person është arrestuar, dy janë shpallur në kërkim ndërsa katër të tjerë janë proceduar në gjendje të lirë për drogë në Gjirokastër. Në pranga ka rënë një 41 vjeçar nga Memaliaj pasi në oborrin e banesës së tij u gjetën të kultivuara bimë narkotike kanabis, të cilat u asgjësuan me anë të djegies.
Në kërkim u shpall një 39 vjeçar, gjithashtu nga Memaliaj, pasi në një banesë të braktisur që dyshohet se e posedon ky shtetas, u gjet dhe u sekuestrua një sasi lënde e dyshuar kanabis. Në kërkim u shpall edhe një tjetër 39 vjeçar, pasi gjatë kontrollit në banesën e tij, u gjet 1 kg lëndë narkotike kanabis sativa.
Në gjendje të lirë u proceduan katër të tjerë, të moshave 21, 27, 29 dhe 37 vjeç, pasi gjatë kontrollit fizik ndaj këtyre shtetasve, policia e Gjirokastrës gjeti dhe sekuestroi në cilësinë e provës materiale, sasi të lëndës narkotike cannabis sativa, të cilat ishin të ndara në doza të gatshme për shitje./abcnews.al
