Djali i presidentit amerikan Joe Biden , Hunter, do të dalë sot para gjykatës federale në Delaware, ku do të deklarohet i pafajshëm për akuzat për armëmbajtje pa leje.
Hunter Biden është një objektiv i kundërshtarëve republikanë të babait të tij, duke filluar nga paraardhësi i tij, Donald Trump, i cili e sheh atë si thembra e Akilit.
Ai akuzohet se ka gënjyer në formularët e aplikimit për armë në vitin 2018, duke mohuar varësinë e tij ndaj drogës, të cilën ai e pranoi më vonë.
Avokati i tij, Abbe David Lowell, kërkoi në një letër drejtuar gjyqtarit, Christopher Burke, që të lejojë klientin e tij, të bëjë paraqitjen e tij të parë jo në Delaware ku ndodhet gjykata, por nga distanca.
Aktakuza e tij në këtë rast, më 14 shtator, erdhi dy ditë pas hapjes së procedurës së hetimit për shkarkimin e nisur nga shumica republikane në Dhomën e Përfaqësuesve ndaj presidentit demokrat.
/abcnews.al
