Një ligjvënës ukrainas, i akuzuar për tradhti është arrestuar në Kiev.
Oleksandr Dubinsky, i cili është në listën e sanksioneve të SHBA-së, dyshohet se ka bashkëpunuar me inteligjencën ushtarake të Rusisë, gjithashtu për përhapjen e dezinformatave në lidhje me udhëheqjen politike të Ukrainës.
“Gjykata mbështeti kërkesën e prokurorisë për të më caktuar masën e paraburgimit për 60 ditë deri më 12 janar 2024”, tha Dubinsky në një video të postuar në kanalin e tij Telegram.
Gjykata i cilësoi dyshimet e SBU si të bazuara duke thënë se provat ishin të mjaftueshme.
Dubinskiy ishte përjashtuar nga partia ukrainase në pushtet, Shërbëtorët e Popullit më 2021, pasi ai ishte vendosur në listën e sanksioneve të Shteteve të Bashkuara nën dyshimet për ndërhyrje në zgjedhje. Ai ka vijuar të jetë pjesë e Parlamentit si deputet i pavarur.
/abcnews.al
