Autoritetet turke kanë arrestuar tetë persona, të cilët akuzohen se kanë spiunuar në favor të Izraelit. Ministri i Brendshëm, Ali Gerlikaya, tha se arrestimet u kryen pas një operacioni të përbashkët policor të Drejtorisë së Përgjithshme të Sigurisë dhe shërbimit inteligjent MIT.
Dy nga tetë të arrestuarit u lanë në masën e paraburgimit dhe gjashtë të tjerë u liruan me kusht.
Sipas aktakuzës, rrjeti i spiunazhit drejtohet nga një detektiv privat, i cili kishte kontakte me agjentët e MOSSAD, agjencinë izraelite të spiunazhit, në Austri, Zvicër dhe Gjermani.
Mes të arrestuarve është edhe bashkëshortja e tij. Në fillim të vitit, autoritetet turke arrestuan 34 persona me akuzën e spiunazhit për Izraelin, nga të cilët 26 u ndaluan dhe tetë u deportuan.
Më pas, në dy operacione të veçanta policore në shkurt dhe mars, autoritetet turke arrestuan 16 persona.
/abcnews.al
