“Akullore si dikur” është festa e kulinarisë që është zhvilluar në Durrës. Qytetarë e pushues kanë shijuar produktin tipik të qytetit bregdetar në panairin e hapur në shetitoren “Taulantia”.
I pranishëm në këtë aktivitet ministri i Mjedisit dhe Turizmit, Blendi Klosi, u shpreh se aktivitete të tilla bëhen me qëllim për të promovuar traditën.
Kjo festë është parashikuar të organizohet sërish në qytetin e Durrësit, por nuk do të jetë e vetmja pasi aktivitete të tjera do të zhvillohen në zonën e Golemit dhe atë të Gjirit të Lalëzit./abcnews.al
