Bashkëshortja e aktorit të njohur John Travolta ka humbur betejën me kancerin e gjirit. Kelly Preston u nda nga jeta mëngjesit e ditës së djeshme në moshën 57-vjeçare. Aktori konfirmoi vdekjen e saj përmes një postimi në Instagram, ku shkruan:
“Jam zemërthyer që më duhet t’ju informoj se gruaja ime e bukur e humbi betejen 2-vjeçare me kancerin e gjirit. Lufta e saj ishte kaq kurajoze dhe kishte mbështetjen e të gjithëve. Familja ime dhe unë do të jemi përgjithmonë mirënjohës për mjekët dhe infermierët, si dhe shumë miq që kanë qenë pranë saj. Dashuria dhe jeta e Kelly do të kujtohet gjithmonë.
Unë do të jem në krah të fëmijëve të mi, që kanë humbur të ëmën, prandaj dua të më falni nëse s’do dëgjoni nga ne për disa kohë. Dua të dini që e marrim gjithë dashurinë tuaj gjatë kohës që do të na duhet për t’u shëruar.” shkruan aktori.
Prestion dhe Travolta ishin të martuar prej 28 vitesh, dhe kanë dy fëmijë, një vajzë 20-vjeçare dhe një djalë nëntë vjeç. Fëmija i tyre i parë ndërroi jetë në vitin 2009 në moshën 16-vjeçare. /abcnews.al/
