Aktori i njohur i serialit “You”, Penn Badgley dhe bashkëshortja e tij Domino Kirke, e cila e ka një djalë 12-vjeçar me ish-të dashurin Morgan O’Kane, kanë sjellë në jetë fëmijën e tyre të parë së bashku.
Lajmin e ka konfirmuar vetë çifti përmes një postimi në Instagram. Muzikantja Domino ka publikuar një fotografi ku ajo shihet duke fjetur afër djalit të saj, edhe pse deri më tani nuk ka ndarë detaje shtesë rreth foshnjës, përfshirë këtu emrin që i kanë vendosur.
Penn Badgley megjithëse ka 20 vite që është pjesë e kinematografisë, ai arriti të bëhet i famshëm viteve të fundit për rolet e tij në seritë televizive, “Gossip Girl” dhe “You”. Tani ai po konsiderohet një prej aktorëve më premtues të brezit të tij. l.k/abcnews.al
