Duele të forta edhe në Kategorinë e Parë ditën e sotme. Në program janë të gjitha ndeshjet e javës së dytë, që nisin prej orës 16:00.
Erzeni-Bylisi shikohet si ndeshja kryesore e kësaj jave, mes dy skuadrave që e kanë nisur garën me fitore dhe synojnë ngjitjen në Superiore.
Po ashtu interes të madh ka edhe për duelin mes Pogradecit dhe Besës së Kavajës. Apolonia do kërkojë kthesën dhe për këtë duhet të mposhtë Shkumbinin e rikthyer në këtë kategori.
Korabi pret Butrintin, një tjetër ndeshje për t’u parë. Burreli-Tomori, Lushnja-Tërbuni, Turbina-Besëlidhja dhe Vora-Maliqi janë ndeshjet e tjera të kësaj jave. / abcnews.al
