Policia e Kosovës ka mbyllur të premten objektet e Qendrës për punë sociale në Mitrovicën e Veriut, ne vijim te aksioneve per mbylljen e institucioneve paralele serbe ne Veri.
Sipas Policise aty janë kryer “veprime të paligjshme lidhur me procesin zgjedhor”.
Nderkohe policia po ushtron kontrolle ne objektet e kësaj Qendre në tri komuna te tjera me shumicë serbe– Zubin Potok, Leposaviç dhe Zveçan me te njejtin argument.
Autoritetet policore kane sqaruar se kane kërkuar leje nga Prokuroria Themelore në Mitrovicë për t’i kontrolluar objektet e Qendrave për punë sociale pasi katër punonjës të kësaj Qendre në Zubin Potok ishin arrestuar më 8 shkurt për “shkelje të vullnetit të votuesve duke i telefonuar qytetaret dhe udhezuar se si dhe ke te votojne, ne te kundert ata rrezikonin ndihmen sociale.
Lista Serbe ka reaguar ndaj veprimeve te Policise ne Veri duke deklaruar se kryeministri Kurti “po i shfrytëzon ditët e fundit për të sulmuar edhe një herë gjithçka serbe”.
Partia më e madhe serbe e Kosovës i bëri thirrje bashkësisë ndërkombëtare që të dënojë “lëvizjet në rritje që rrezikojnë në mënyrë drastike jetën e mijëra përfituesve të mirëqenies sociale”./abcnews.al
