Aksion i IKMT-së në Sarandë

Inspektoriati Kombëtar i Mbrojtjes së Territorit ka nisur sot një operacion në zonën turistike të “Syrit të Kaltër”, në Bashkinë Finiq.

Sipas IKMT është planifikuar prishja e 16 objekteve një dhe dy katëshe, me struktura druri, me funksione shërbimi.

IKMT thotë se objektet që do të prishen janë pa leje ndërtimi. Pronarët e tyre janë njoftuar para se të niste aksioni dhe kanë nisur të largojnë orenditë apo pajisjet brenda ndërtesave./abcnews.al