Një makinë ka dalë nga rruga dhe për pasojë drejtuesi i saj ka humbur jetën. Aksidenti rrugor ka ndodhur sot në mëngjes në fshatin Aranitas të Mallakastrës dhe viktima është 27-vjeçari Pajtim Zotaj, banor i Ballshit.
Sipas policisë, 27-vjecari po drejtonte mjetin tip “Opel” dhe ka humbur kontrollin e drejtimit të mjetit, më pas doli nga rruga. Zotaj ka ndërruar jetë gjatë rrugës për në Spitalin Rajonal Fier.
Por i plagosur mbeti dhe një pasagjer 31-vjeçar, që ndodhej në makine me viktimën. Grupi hetimor po punon për zbardhjen e plotë të ngjarjes./abcnews.al
