Një aksident i rëndë është regjistruar këtë mesditë në aksin rrugor Peqin – Rrogozhinë.
Si pasojë e përplasjes shumë të rëndë në këtë aksident ka ndërruar jetën një 27 vjeçar me iniciale F.M.
Aksidenti ndodhi rreth orës 12:00 në vendin e quajtur Bishti i Zhurit në Rrogozhinë.
Siç shihet nga pamjet mjeti me të cilin udhëtonte i riu është shkatërruar plotësisht.
Si pasojë e përplasjes makina ka përfunduar nën rrotat e kamionit.
U deshëm më shumë se dy orë që policia dhe forcat zjarrfikëse të nxirrnin makinën dhe të bënin të mundur identifikimin e trupit.
Shkak i aksidentit dyshohet se ishte parakalimi i gabuar i Benzit.
Njoftimi i policisë
DVP Tiranë/Informacion shtesë sqarues
Në lidhje me aksidentin e ndodhur ditën e sotme, në vendin e quajtur “Bishti i Zhurit”, ku mjeti kamion me drejtues shtetasin I. C. u përplas me mjetin tip “Benz” me drejtues shtetasin F. M., 27 vjeç, ju informojmë se si pasojë e aksidentit drejtuesi i mjetit tip “Benz” ka humbur jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
/Abcnews.al/
