Reperi grek, Mad Clip humbi jetën tragjikisht pas një aksidenti në Athinë në orët e para të mëngjesit. Ai po kthehej nga dasma e mikut të tij, Giorgos Benioudakis, kur humbi kontrollin e makinës dhe u përplas me një shtyllë.
Reperi kishte miqësi dhe me këngëtaren me origjinë shqiptare, Eleni Foureira. Ata morën pjesën në dasmën e mikut të përbashkët ku dhe kënduan në skenë duke argëtuar mysafirët dhe çiftin e sapomartuar.
Foureira dhe Mad Clip kanë bashkëpunuar për një nga hitet më të mëdha të verës “Mporei”. Gjithashtu, dy artistët e njohur po përgatitnin një koncert që do të zhvillohej më 10 Shtator, por fatkeqësisht 34-vjeçari ndërroi jetë pas aksidentit fatal.
/abcnews.al
