Një aksident ka ndodhur paraditen e së martës në rrugët e kryeqytetit. Abcnews.al mëson se një automjet tip “Benz” ka përplasur një të moshuar.
Rreth orës 09:40, në bulevardin “Gjergj Fishta” mjeti me drejtues F.R., ka aksidentuar këmbësorin e paidentifikuar ende. Ky i fundit është dërguar në spital, dhe ndodhet nën kujdesin e mjekëve. Mjeti dhe drejtuesi i mjetit ndodhen në vendngjarje.
Nga pamjet e siguruara nga abcnews.al duket ambulanca dhe mjekët që i japin ndihmën e parë të moshuarit.
Njoftimi:
Tiranë/Informacion paraprak
Më datë 30.06.2020, rreth orës 09:40, në bulevardin “Gjergj Fishta” mjeti me drejtues shtetasin F.R., ka aksidentuar një shtetas këmbesor ende të paidentifikuar, i cili u dërgua menjeherë në spital, dhe ndodhet nën kujdesin e mjekëve. Mjeti dhe drejtuesi i mjetit ndodhen në vendngjarje.
Grupi hetimor ndodhet në vendngjarje dhe vijon punën për zbardhjen e plotë të rrethanave të ngjarjes. /abcnews.al/
