Aksident në “Qafë Mali–Fierzë”/ Automjeti bie në humnerë, humb jetën 51-vjeçari

Fushë-Arrëz / Informacion paraprak

Një aksident i rëndë ka ndodhur mbrëmjen e së mërkurës në aksin rrugor “Qafë Mali–Fierzë”.

Një 51 vjeçar, duke drejtuar automjetin e tij, dyshohet se ka humbur kontrollin mbi drejtimin e automjetit, i cili ka dalë nga rruga dhe ka rënë në një humnerë.

Menjëherë pas marrjes së njoftimit, në vendngjarje kanë shkuar shërbimet e Policisë, forcat zjarrfikëse dhe ambulanca, por drejtuesi i automjetit ka humbur jetën si pasojë e plagëve të marra.

Grupi hetimor, nën drejtimin e Prokurorisë, po punon për zbardhjen e plotë të rrethanave dhe shkakut të aksidentit./abcnews.al