Një aksident me katër të plagosur ka ndodhur mbrëmjen e sotme në aksin rrugor Elbasan–Librazhd, në afërsi të fshatit Xibrakë. Drejtuesi i një automjeti ka humbur kontrollin e për pasojë makina është kthyer përmbys në njërën nga korsitë e rrugës.
Nga aksidenti kanë mbetur të lënduar shoferi dhe tre pasagjerë që ndodheshin në mjet. Ata janë transportuar për në spital, por pa rrezik për jetën. Mësohet se shkak i këtij aksidenti ka qenë humbja e kontrollit të automjetit për shkak të terrenit të rrëshqitshëm në rrugë si pasojë e reshjeve./ABC News Albania 24/7
