Një aksident raportohet të ketë ndodhur në afërsi të Laçit, në rrugën e Patokut. Gazetari Gjergji Figuri raporton për abcnews.al se në aksident janë përfshirë dy automjete dhe për pasojë ka mbetur i plagosur njëri nga drejtuesit e mjetit, i moshuar.
I plagosuri është nisur drejt spitalit të Traumës në Tiranë, pasi gjendja e tij është e rënduar.
Ndërkaq, policia ka nisur hetimet për zbardhjen e plotë të shkaqeve të këtij aksidenti.
Njoftimi i policisë:
Kurbin/Informacion paraprak
Në aksin rrugor Laç-Patok, mjeti me drejtues shtetasin Xh.Z., është përplasur me mjetin me drejtues Gj.P.,i cili ka marrë dëmtime dhe është transportuar në spitalin e Traumës Tiranë.
Grupi hetimor ndodhet në vendgjarje dhe po punon për sqarimin e plotë të shkakut dhe rrethanave të ngjarjes.
g.v/abcnews.al
