Një aksident ka ndodhur mbrëmjen e së shtunës në Fier. Mësohet se dy bashkëshortë janë përplasur nga një mjet tip “Seat” ndërsa përpiqeshin që të kalonin në anën tjetër të rrugës.
Të plagosurit janë dërguar në spital për të marrë ndihmë shëndetësore. Nuk dihet ende si është gjendja e tyre.
Në pamjet e siguruara nga ABC, shihet një grua që qëndron në mes të rrugët e shtrirë ndërsa mjekët tentojnë ta kalojnë në barrelë e më pas në autoambulancë.
NJOFTIMI I POLICISË
Fier
Informacion paraprak
Sot rreth orës 18:15, në vendin e quajtur “Kthesa e Etc”, shtetasi L. B., 30 vjeç, duke drejtuar automjetin tip “Seat” ka aksidentuar dy këmbësorë, shtetasit I. M., dhe Gj. M., të dy 67 vjeç, banues në Fier, të cilët ndodhen në spitalin e Fierit nën kujdesin e mjekëve.
Eshtë shoqëruar drejtuesi i mjetit, shtetasi L. B., dhe po kryhen veprimet procedurale.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit. s.b/abcnews.al/
