Loading ...
LUSHNJE –Dy persona janë plagosur rëndë në aksin nacional Çermë-Divjakë, si pasojë e një aksident me motor.
Mësohet se të të plagosurit janë babë e bir, Leonard Vrapi 44 vjeç dhe djali i tij Alesio Vrapi. Aksidenti ka ndodhur gjatë mesnatës ku teksa udhëtonin me motor kanë humbur kontrollin duke u përplasur fillimisht në asfalt e më pas kanë dalë nga rruga.
Ata janë dërguar në spitalin e Lushnjes ku raportohet se janë në gjendje kritike për jetën.
Në momentin e aksidentit asnjë nga të dy personat nuk kishte kaskë mbrojtëse.
Grupi i ekspertëve të policisë i cili mbërriti në vendngjarje nga hetimet paraprake nxori si konkluzion shpejtësinë e lartë që drejtuesi i motoçikletës e drejtonte, gjë që ka sjellë dhe humbjen e kontrollit./abcnews.al/
