Një aksident rrugor ka ndodhur pasditen e sotme në bulevardin kryesor të Fierit.
Tre automjete janë përplasur me njëri tjetrin duke shkaktuar dëme të mëdha materiale, ndërkohë që dy persona kanë marrë lëndime të lehta dhe tashmë janë jashtë rrezikut për jetën.
Një automjet tip Smart është dëmtuar në pjesën e pasme si pasojë e përplasjes së fortë.
Në vendin e ngjarjes ndodhet policia rrugore e cila po punon për devijimin e trafikut për shkak të bllokimit që ka shkaktuar përplasja e mjeteve.
Ndërsa grupi hetimor po punon për të mësuar shkaqet e këtij aksidenti. m.v/abcnews.al
