Manchester United ishte shumë pranë firmës me Edvin Van Der Sar, me ish-portierin e Ajax dhe “Djajve të Kuq” që do të bëhej drejtori i ri i merkatos. Megjithatë, holandezi ka vendosur të rinovojë me Ajaxin, duke u bindur nga projekti i kampionëve të Holandës.
Van Der Sar ka bërë një punë të shkëlqyer me Ajaxin sezonet e fundit, duke bërë një merkato perfekte, si në afrime, ashtu dhe te lojtarët e larguar, që janë shituar një mal me para. Rastet e fundit ishin De Ligt dhe De Jong.
Lajmin për rinovimin e konfirmoi vetëm Van Der Sar, duke i mbyllur derën kështu një rikthimi te Manchester United, ku fitoi trofe të shumtë si futbollistë./abcnews.al
