Kreu i Agjencisë Evropiane të Hapësirës (ESA), Joseph Asbacher, së fundmi ka deklaruar se Evropa duhet të forcojë programin e saj hapësinor, përndryshe do të shohë “pluhurin e vendeve të tjera”.
Deklaratën e tij ai e ka bërë pranë astronautit gjerman Matthias Maurer, i cili do të fluturojë në Stacionin Ndërkombëtar Hapësinor (ISS) në fund të tetorit me një raketë amerikane nga Qendra Hapësinore Kennedy në Florida.
Maurer do të punojë në më shumë se 100 eksperimente gjatë qëndrimit të tij.
Asbacher dhe Maurer folën me entuziazëm për të ardhmen e turizmit hapësinor evropian në dritën e veprimeve të miliarderëve Jeff Bezos, Elon Musk dhe Richard Branson, të cilët bënë përpjekjet e tyre të para në korrik.
“Unë mendoj se ky është vetëm fillimi. Të kesh më shumë njerëz në hapësirë do të thotë që ne gjithashtu do të kemi nevojë për teknologji më të mirë dhe më të fuqishme, e cila është e mirë. Nga ana tjetër, të kesh më shumë njerëz në hapësirë do të thotë gjithashtu më shumë mbeturina. Kjo do të thotë që ne me të vërtetë duhet të kujdesemi për zonën dhe ta pastrojmë atë”, është shprehur Maurer.
Asbacher nga ana tjetër ka theksuar se vitet e ardhshme do të bëjnë të mundur nxitjen e fluturimeve hapësinore. e.su./abcnews.al
