Loading ...
Qeveria talebane i ka ndaluar gratë të vizitojnë parkun kombëtar Band-e-Amir në provincën Bamiyan. Ushtruesi i detyrës së ministrit të virtytit dhe vesit të Afganistanit, Mohammad Khaled Hanafi, tha se gratë nuk kishin respektuar hixhabin brenda parkut.
Ai u bëri thirrje klerikëve fetarë dhe agjencive të sigurisë që t’i ndalojnë gratë të hyjnë deri sa të gjendet një zgjidhje. Band-e-Amir është një atraksion i rëndësishëm turistik, duke u bërë parku i parë kombëtar i Afganistanit në 2009.
Është një destinacion popullor për familjet dhe ndalimi i frekuentimit të grave do të pengojë që shumë njerëz të jenë në gjendje të shijojnë parkun. UNESCO e përshkruan parkun si një “grup liqenesh të krijuar natyrshëm me formacione dhe strukturë të veçantë gjeologjike, si dhe me bukuri natyrore dhe unike”.
Klerikët fetarë në Bamiyan thanë se gratë që po vizitonin parkun dhe nuk ndiqnin rregullat ishin vizitore të zonës. “Ka ankesa për mungesë hixhabi, këta nuk janë banorë të Bamiyan. Ata vijnë këtu nga vende të tjera,” tha Sayed Nasrullah ëaezi, kreu i Këshillit të Ulema Shia të Bamiyan./abcnews.al
