TIRANË- Janë hapur mbi 1200 pozicione të reja praktike pune në administratën publike.
Lajmi konfirmohet nga kryeministri Edi Rama, i cili thotë se mund të aplikojnë të gjithë ata të rinj të moshës nga 21-26 vjeç dhe që zotërojnë minimalisht në diplomë të nivelit Bachelor.
Aplikimet shton Rama janë të hapura deri më 15 gusht.
“Mirëmëngjës dhe me lajmin e mirë se hapen aplikimet për mbi 1200 pozicione të reja praktike pune në administratën publike, për të gjithë të rinjtë e moshës 21-26 vjeç, që zotërojnë minimalisht një diplomë Bachelor, dhe ku secili i interesuar mund të bëhet pjesë e thirrjes deri më 15 gusht 2024, duke aplikuar në linkun https://praktika.riniafemijet.gov.al, ju uroj një ditë të bukur”, shkruan Rama./abcnews.al
