Sot më 27 Mars 2024, në zyrat administrative të Aeroportitit Ndërkombëtar të Tiranës (TIA), është zhvilluar ceremonia e nënshkrimit të memorandumit të mirëkuptimit me Qendrën Kombëtare Shqiptare të Kërkimit dhe Shpëtimit (QKKSH)
Ky memorandum i rëndësishëm përshkruan detyrat dhe përgjegjësitë e çdo organizate në rast të aktivizimit të operacioneve të kërkim-shpëtimit në afërsi të Aeroportit të Tiranës, me qëllim njohjen dhe lehtësimin e ndërsjellë të të gjitha procedurave përkatëse të koordinimit dhe bashkëpunimit në rast aksidentesh avioni.
Memorandumi i Mirëkuptimit, megjithëse kërkohet nga rregulloret aktuale kombëtare dhe ndërkombëtare, është një dëshmi e marrëdhënieve të mira dhe proaktive midis QKKSH dhe TIA, pjesë e një rrjeti më të gjerë aktorësh të aeroportit që bashkëpunojnë efektivisht nën mbikëqyrjen e ofruar nga Autoriteti Shqiptar i Aviacionit Civil (ACAA).
Palët kanë shprehur interesin për të hartuar një stërvitje të përbashkët emergjente që do të organizohet së bashku në tetor të këtij viti.
Për NSARC nënshkrues ishte kolonel Fiqiri Hoxha, ndërsa TIA u përfaqësua nga znj. Marsida Pallko, Administratore dhe Ing. Piervittorio Farabbi, Drejtor Operacional dhe Menaxher Përgjegjës i aeroportit.
