Emisioni i drejtuar nga gazetari i mirënjohur Enkel Demi ka nisur të transmetohet këtë të hënë në ekranin e ABC News.
Ky emision do të transmetohet nga e hëna në të premte prej orës 07.00 – 09.00 të mëngjesit. Në harkun e dy orëve në këtë emision, gazetari Demi do të diskutojë çështje të aktualitetit: politikë, ekonomi, sociale, sport dhe kulturë ku nuk do të mungojnë të ftuarit në studio, personazhe publik dhe gazetarë të cilët përcjellin zhvillimet e fundit nga terreni.
Gjatë ditës së sotme, në ABC-në e mëngjesit, ishin të ftuar ish-trajneri i kombëtares shqiptare Gianni De Biasi, akademiku Mehmet Kraja, Dritan Kokona, Gerti Çarçani, Bledar Koka dhe Fjoralba Dizdari.
Emisioni i mëngjesit në ABC News nga gazetari Enkel Demi, do të jetë një risi ku çdo teleshikues mund të informohet me zhvillimet më të fundit./abcnews.al
