Kuizet, testet psikologjike dhe iluzionet optike janë ndër gjërat e preferuara të përdoruesve të internetit. Asgjë nuk është më e kënaqshme sesa të jesh në gjendje të kuptosh se si funksionon një iluzion optik.
Shumë herë mund të keni pyetur veten se sa i lartë është IQ-ja juaj, por edhe si mund ta matni saktë. CRT konsiderohet testi më i shkurtër i IQ- së në botë, pasi përbëhet nga vetëm tre pyetje.
Ky kuiz i veçantë është bërë viral këto ditë në TikTok pasi u ngarkua nga _notjustjosh . Krijuar në vitin 2005 në Universitetin Princeton nga psikologu Shane Frederick, ai teston aftësinë e njerëzve për të injoruar spontanitetin e tyre dhe për të menduar më ngadalë dhe logjikisht. Në gjuhën e psikologjisë, testi mat se sa mirë mund të mendojë dikush në mënyrë analitike.
@_notjustjosh Are you smarter than 80% of the population? #iq #test #intellegence #smart ♬ Roxanne – Instrumental – Califa Azul
Për të vërtetuar inteligjencën e dikujt, duhet t’i përgjigjeni saktë tre pyetjeve të mëposhtme, por në një kohë të arsyeshme pasi përgjigjet më të shpejta janë një tjetër shenjë e IQ-së së lartë. Pyetjet nuk janë aq të thjeshta sa duken në leximin e parë.
Studentët e universiteteve prestigjioze (përfshirë Yale dhe Harvard), në një studim të vitit 2005, nuk arritën të jepnin përgjigjet e sakta. Në fakt vetëm 17% e atyre që kanë marrë testin kanë arritur një rezultat të kënaqshëm.
3 pyetjet
- Një shkop dhe një top kushtojnë gjithsej 1,10 dollarë. Shkopi kushton 1 dollarë më shumë se topi. Sa kushton topi?
- Nëse 5 makinave u duhen 5 minuta për të bërë 5 pjesë softuerësh, sa kohë do t’u duhet 100 makinave për të bërë 100 pjesë softuerësh?
- Pjesa e një liqeni është plot me zambakë uji. Çdo ditë kjo pjesë dyfishohet në madhësi. Nëse zambakët e ujit duhen 48 ditë për të mbuluar të gjithë pellgun, sa kohë do t’u duhet atyre për të mbuluar gjysmën e tij?
Përgjigjet
- Ndoshta, përgjigja për shumicën është 10 cent. Por topi kushton 5 cent dhe shkopi kushton 1,05 dollarë. Në total, është 1,10 dollarë. Një studim i Princeton zbuloi se njerëzit që u përgjigjën 10 cent ishin më pak të durueshëm se ata që e morën përgjigjen siç duhet.
- Disa do të përgjigjeshin 100 minuta. Për fat të mirë, nuk do të zgjaste shumë. Nga pyetja rezulton se çdo makinë kërkon saktësisht 5 minuta për të gjeneruar një softuer. Pra, 100 makinave do t’u duhen 5′ për 100 softuer.
- Ndoshta shumë menduan 24 ditë. Por, nëse pjesa e pellgut të mbuluar nga zambakët e ujit dyfishohej çdo ditë, do të duhej vetëm një ditë për të mbuluar plotësisht gjysmën e pellgut. Zbrisni një ditë nga 48 dhe rezultati është 47 ditë./abcnews.al
