Chatbot-et e AI mund të inkurajojnë terrorizmin duke përhapur ekstremizëm të dhunshëm tek përdoruesit e rinj, ka paralajmëruar një këshilltar i qeverisë së Mbretërisë së Bashkuar.
Jonathan Hall, një inspektor i pavarur i terrorizmit, tha se ishte “absolutisht e mundur” që robotët e AI si ChatGPT të mund të programoheshin ose të vendosnin vetë për të promovuar ideologjinë ekstremiste.
Chatbot-et e AI nuk mbulohen nga legjislacioni kundër terrorizmit, kështu që ato mund ta përhapin “pa u ndëshkuar”, shtoi ai.
Hall theksoi se “aktualisht, kërcënimi terrorist në Britaninë e Madhe lidhet me sulmet me thika. Megjithatë, sulmet që përdorin inteligjencën artificiale janë ndoshta shumë pranë”.
“Ata promovojnë ideologjinë e dhunshme ekstremiste”
Në një artikull në Mail on Sunday, Hall deklaroi se “miliona njerëz në mbarë botën së shpejti mund të bisedojnë me chatbot “të programuar” për të promovuar ekstremizmin për orë të tëra”.
“Unë mendoj se është plotësisht e mundur që chatbot-et e AI-së mund të programohen për të promovuar ideologjinë e dhunshme ekstremiste.”
Deri më tani nuk ka asnjë provë që robotët e AI të kenë propaganduar ideologji ekstremiste tek dikush, megjithatë ka pasur raste kur përdorimi i tyre ka çuar në rezultate të pakëndshme.
Për shembull, një baba belg i dy fëmijëve vrau veten pasi foli me një robot të quajtur Eliza për gjashtë javë për shqetësimet e tij rreth ndryshimeve klimatike.
Nga ana tjetër, një kryebashkiak në Australi kërcënoi se do të padiste OpenAI, krijuesit e ChatGPT, pasi chatbot pretendoi në mënyrë të rreme se kishte vuajtur një dënim me burg për ryshfet. /abcnews.al
