Pijet e gazuara janë pa dyshim një nga shembujt e ushqyerjes së keqe dhe jo të shëndetshme. Këto pije janë rëndom në paketime të ndryshme, kryesisht kanaçe, në sipërfaqen e të cilave jo rrallë gjenden shumë baktere.
Sipas ekspertëve të cilëve u referohet agroweb.org, në këto paketime shpesh janë gjendur edhe gjurmë fekalesh apo bakteresh të dëmshme që vijnë kryesisht jo vetëm nga brejtësit por edhe nga duart e palara të njerëzve.
Teorikisht, këto baktere mund të shkaktojnë probleme në aparatin tretës dhe infeksione urinare. Praktikisht, gjasat e infeksioneve janë në varësi të ruajtjes së produkteve në dyqane e supermarkete.
Këto baktere dhe gjurmë fekalesh që vijnë nga njerëz që nuk lajnë duart dhe i prekin ato, nuk jetojnë gjatë në temperatura të ftohta, ku pije të tilla duhet të ruhen.
Sipas ekspertëve, njerëzimi jeton në një mjedis të mbushur me mikrobe e baktere dhe është mëse normale që të ketë kontakt me to.
Megjithatë, nëse jeni të interesuar të mbroni sigurinë tuaj, shpëlajeni kanaçen e blerë përpara se ta hapni, ose pijen direkt hidheni në një gotë. Sidoqoftë, për hir të shëndetit, ekspertët groWeb.org rekomandojnë të ruani distancën nga pijet e tilla të industrializuara.
Në vend të tyre, merrni ujë mineral, hidhni në të frutat ose perimet e stinës dhe kaq mjafton. Mund të zgjidhni limon, portokall, luleshtrydhe, boronica, trangull, rozmarinë, mente që i japin ujit një aromë dhe shije krejt natyrale dhe mbi të gjitha pa kimikatet e rrezikshme. l.k/abcnews.al
