Shumica e njerëzve i frikësohen vdekjes dhe me arsye të mirë. Por një kompani ruse po u ofron klientëve të saj mundësinë të marrin pjesë në funeralin e tyre dhe të përjetojnë varrosjen e gjallë për 57,000 dollarë. Siç pretendon kompania, në këtë mënyrë do të ndihmojë të interesuarit të përballen me fobitë e tyre. Themeluesja e kompanisë Yakaterina Preobrazhenskaya njoftoi sipërmarrjen e saj të re e cila premton t’i ndihmojë klientët e saj të zbulojnë talente të reja dhe “aftësi psikike”, por më e rëndësishmja të merren me “frikat dhe ankthet “ e tyre .
Preobrazhenskaya e përshkroi ofertën si “një lëvizje të fuqishme për të luftuar për veten dhe të ardhmen tuaj të lumtur . ”
Janë dy paketa të ofruara nga kompania për të interesuarit për të përjetuar përvojën e paprecedentë: Paketa e lirë dhe ajo e shtrenjtë. ” Funerali në internet”, i cili kushton rreth 15,000 dollarë dhe faturohet si “terapia e stresit për frikën dhe ankthin” – dhe funerali “me zhytje të plotë” , i cili varros klientët deri në një orë.
Paketa e shtrenjtë prej 57 mijë dollarësh përfshin një ceremoni të plotë fetare dhe një “ringjallje të detyrueshme” që supozohet të rinovojë “vullnetin për të jetuar” të personit.
/abcnews.al/
