Arilena Ara paralajmëroi pak kohë më parë se po punon për albumin e saj të parë, me titull Pop Art. Pritjes i ka ardhur fundi pasi këngëtarja ka zbuluar përmes një postimi në rrjete sociale, se albumi do të publikohet ditën e nesërme. Pjesë e tij janë disa bashkëpunime, mes së cilash me Dafina Zeqirin, Noizy-n dhe 2PO2.
“Ngrini volumin dhe bëhuni gati të kërceni me ALBUMIN “POP ART”, gjejeni pak, do të publikohet NESËR!!! Jam shumë e emocionuar”, ka shkruar këngëtarja. Më parë, këngëtarja e ka konsideruar këtë një projekt madhor nëpërmjet të cilit ka shprehur “ngjyrat që jetojnë brenda meje”.
View this post on Instagram
“Sado që mundohem nuk kam fjalë mjaftueshëm për të shprehur ndjesinë. E lumtur të ndaj me ju lajmin që Albumin tim të parë e ndajnë vetëm pak ditë nga publikimi! Në “POP ART” kam shprehur nëpërmjet muzikës të gjitha ngjyrat që jetojnë brenda meje!”, shkroi më parë Arilena. /abcnews.al
