Antonio Conte ka fluturuar në Londër për të nënshkruar kontartën me Tottenham. Tekniku italian sigurisht ka në mendje edhe lojtarët që i duhen tek “Spursat”, për të arritur që të fitojë ndonjë trofe në Angli.
Kur jemi pak muaj para merkatos dimërore, italiani do iu kërkojë drejtuesve të Tottenham të bëjnë përforcime, për të ndërtuar një skuadër që lufton për trofe.
Sipas “Sportmediaset”, Conte ka një listë me lojtarë që dëshiron ti marrë me vete. Në këtë mënyre tekniku italian po “kërcënon” Seria A, e cila do fillojë të “dridhet”, sepse ish-tekniku i Interit dhe Juventusit ka “pikasur” 4-5 lojtarë.
Conte është në gjurmët e Vlahovic, Kessie, Brozovic, De Vrij dhe Lazzari.
I pari është Dusan Vlahovic, i cili pasi refuzoi rinovimin me Fiorentinën është në qendër të merkatos së madhe europiane.
Conte ka mednuar edhe për një lojtarë që e njeh mirë mesfushën dhe ai është pikërisht Marcelo Brozovic, i cili akoma nuk ka rinovuar me skuadrën e Interit, dhe kjo mund ta bëjë lojtarin të ribashkohet me teknikun italian.
Një tjetër top-lojtar në mesfushë është Franck Kessie , për të cilin trajneri 52-vjeçari ka simpati.
Për të qëndruar te Interi, Stefan De Vrij dhe Alessandro Bastoni janë në krye të listës së dëshirave të ish-trajnerit të Nerazzurrëve për të rregulluar mbrojtjen .
Manuel Lazzari, nuk ka një marrëdhënie të mirë me trajnerin Sarri dhe është i mundshëm një largim i tij në janar. Në këto kushte Conte dëshiron të përfitojë dhe ta trasnferojë atë në Angli. /f.a/abcnews.al
