Një aksident ka ndodhur mëngjesin e sotëm në aksin rrugor Plepa-Shkozet. Një makinë tip Volkswagen që drejtohej nga një 23-vjeçar me iniciale E.D. është përplasur me trafikndarësen. Për pasojë është dëmtuar pasagjerja, e cila tashmë ndodhet në kujdesin e mjekëve në gjendje të rëndë shëndetësore. Materialet kaluan në Prokurorinë e Rrethit Gjyqësor Durrës, për veprime të mëtejshme.
“Arrestohet në flagrancë 1 shtetas, për veprën penale “Shkelja e rregullave të qarkullimit rrugor”. Specialistët e Qarkullimit Rrugor në DVP Durrës arrestuan në flagrancë shtetasin E. D., 22 vjeç, banues në Tiranë, pasi në orët e para të ditës së sotme, në aksin rrugor Plepa-Shkozet, duke drejtuar mjetin tip “Volkswagen” ka humbur kontrollin dhe është përplasur me bordurën e trafikndarëses.
Si pasojë e përplasjes është dëmtuar pasagjerja në mjet, shtetasja R. M., 23 vjeçe, banuese në Tiranë, e cila ndodhet nën kujdesin e mjekëve, në gjendje të rëndë shëndetësore. Materialet kaluan në Prokurorinë e Rrethit Gjyqësor Durrës, për veprime të mëtejshme”, njofton policia. /Abcnews.al
