Kancelarja gjermane, Angela Merkel do të vizitojë mbrëmjen e sotme Athinën, teksa ka nisur një vizitë lamtumire dyditore, ndërsa është në ditët e fundit të qeverisjes së saj 16-vjeçare.
Kancelarja Angela Merkel ka pranuar ftesën e kryeministrit grek Kyriakos Mitsotakis për të vizituar Athinën, pak para se t’i dorëzojë stafetën Olaf Soltz-it, duke mbyllur një kapitull të madh jo vetëm në politikën gjermane, por edhe për Evropën në tërësi.
Roli ndërmjetësues i kancelares gjermane është një nga çështjet kryesore të vizitës së saj sot në Athinë, në sfondin e zhvillimeve në Mesdheun Lindor, tërheqjen e SHBA nga Afganistani, zhvillimet rajonale kryesisht në Siri dhe Libi, por edhe Menaxhimi i flukseve të refugjatëve dhe migracionit dhe sigurisht de-përshkallëzimi i tensionit në marrëdhëniet greko-turke, në sfondin e Egjeut, shkruan Protothema. Vizita e kancelares përkon edhe festën kombëtare të Greqisë. /abcnews.al
