Deputeti i Partisë Demokratike, Tritan Shehu, ka kërkuar mbajtjen e një interpelance me ministren e Shëndetësisë, Ogerta Manastirliu lidhur me vaksinimin e qytetarëve kundër COVID-19.
Në një shkresë zyrtare drejtuar Kuvendit, Shehu shkrun se në interpelancë do të kërkohet llogari ndaj ministres mbi vaksinat e pacertifikuara që sipas tij përdoren në Shqipëri, si dhe do të kërkohet informacion në lidhje me kohëzgjatjen e fushatës së vaksinimit.
Në fokus të diskutimit do të jetë edhe vaksinimi i fëmijëve, për të cilën Shehu kërkon uljen e fashës në 12 vjeç.
9 pikat e Shehut për interpelancën:
Interpelanca e kerkuar nga une dhe depozituar me date 19 tetor, ndaj Ministrise se Shendetesise per strategjine e vaksinimit Covid ne vendin tone, bazuar ne keto ceshtje:
1-Per domosdoshmerine e vaksinimit Covid te popullesise, duke percaktuar edhe llojet e vaksinave, qe do te perdoren sipas grup moshave e individualiteteve te qytetareve.
2-Per domosdoshmerine e deklarimit te nje afati final per perfundimin e vaksinimit masiv per imunizimin e te pakten 85% te popullesise.
3-Per domosdoshmerine e nderprerjes se perdorimit te cdo vaksine te pa certifikuar nga EMA dhe vazhdimin e procesit vetem me te tilla.
4-Per nevojen e rivaksinimit te te gjithe atyre qe u jane aplikuar vaksina te pa certifikuara e te pa efekeshme, si ato kineze e ruse.
5-Per domosdoshmerine e aplikimit te dozes se trete te vaksinave.
6-Per uljen e moshes se vaksinimit se pari ne 12 vjec.
7-Per strategjine e perdorimit te “Green Pass” Covid per vaksinat, me efekte kjo brenda e jashte vendit dhe per politiket e tjera ne stimulim te vaksinimit.
8-Per domosdoshmerine e permiresimit te sistemit paresor, spitalor, mbrojtjes se personelit shendetesor ne muajt qe vijne, per te perballuar perkeqesimin e gjendjes.
9-Per politikat e aplikimit te testimeve ndaj Covid prej Qeverise.
