Ambasadorja amerikane në Tiranë, Yuri Kim ka ndarë një mesazh në lidhje me zgjedhjet e 25 prillit në vendin tonë. Përmes një postimi në rrjetet sociale, Kim i referohet rekomandimit numër katër të OSBE, që lidhet me patronazhistët, ndërsa thekson se i nxisin autoritetet që të veprojnë sipas rekomandimeve të OSBE/ ODHIR. Sipas Kim qytetarëve duhet t’u garantohet e drejta për të votuar të lirë.
“Ne i nxisim autoritetet të veprojnë sipas këtij dhe rekomandimeve të tjera të OSBE/ ODHIR në lidhje me zgjedhjet e 25 prillit. E drejta e qytetarëve për të votuar lirshëm, pa frikë ose presion ose joshje të paligjshme është themelore për demokracinë,” shkruan Kim, ndërsa ka shpërndarë një postim të kreut të KQZ, Ilirjan Celibashit, i cili gjithashtu e ka vënë theksin te publikimi i të dhënave personale që citohet në raport. g.v/abcnews.al
We urge authorities to act on this and other recommendations of @osce_odihr regarding the April 25 election. The right of citizens to vote freely – without fear or pressure or illegal enticement – is basic to democracy. https://t.co/xNaUqLsGhI
— Ambassador Yuri Kim (@USAmbAlbania) October 11, 2021
