Shpresat e Bushit kanë bërë detyrën përballë Andorras në “Elbasan Arena” duke regjistruar kështu sukesin e dytë në 3 ndeshje.
“Kuqezinjtë” dominuan thuajse të gjithë ndeshjen, ndërsa goli i parë do të vinte në minutën e 36 falë një perle të Ernest Mucit nga goditja e dënimit.
Pjesa e parë do të mbyllej me avantazh minimal të tanëve, ndërsa e dyta nis sërish me dominimin e skuadrës së drejtuar nga Bushi.
Në minutën e 70, Muçi do të kishte mundësinë që të shënonte edhe golin e qetësisë nga pika e bardhë penalltisë, por siç duket porta ishte më afër seç ai preferon dhe gabon. Miqtë marrin zemër dhe na vënë disa hërë në vështirësi.
Në minutën e 92, Muçi konfirmohet lojtari i ndeshjes pasi shënon një tjetër gol nga goditja e dënimit duke i siguruar 3 pikët “kuqezinjve”. /abcnews.al
