Sot më 6 tetor nis aplikimi për Lotarinë Amerikane. Departamenti i Shtetit ka dhënë detaje të hollësishme për të gjithë të interesuarit. Bëhet me dije se aplikimet nisin sot në orën 12:00 të mesditës dhe mbyllen më 9 nëntor 2021.
“Të gjithë aplikantët e programit të vizave të DV-2023 duhet të gjenden të ligjshëm dhe të marrin vizën e tyre ose të rregullojnë statusin deri në fund të vitit 2023 (30 shtator 2023).
Kujdes nga mashtrimet! Disa faqe në internet përpiqen të mashtrojnë klientët, duke u paraqitur si ofrues të informacionit zyrtar të qeverisë amerikane,” thuhet ndër të tjera në njoftim.
“Çdo aplikant duhet të plotësojë ose kërkesën e arsimit ose kërkesën e eksperiencës së punës të programit të lotarisë. Një arsim të shkollës së mesme apo ekuivalentin e tij, përkufizuar si përfundim me sukses i 12 viteve edukim të plotë zyrtar 9-vjeçar dhe i mesëm ose dy vjet pёrvojë pune brenda pesё viteve të kaluara në një punësim që kërkon të paktën 2 vjet trajnim ose eksperiencë për ta ushtruar.
Për të përcaktuar nëse pёrvoja e punës kualifikohet për lotarinë, do të përdoret Baza e të Dhënave të Departamentit Amerikan të Punës,” shkruhet në njoftim.
Qytetarët e interesuar mund të aplikojnë falas në https://dvprogram.state.gov/. g.v/abcnews.al
