“ABC” ka siguruar foton e Koci Selamajt, shqiptarit të arrestuar në Angli me akuzën e vrasjes së mësueses Sabina Nessa. 36-vjeçari është nga Elbasani. Shqiptari punonte si shpërndarës picash.
Ai u arrestua gjatë një bastisje që u bë në banesën e tij. Policët ndoqën një makinë që ishte përdorur nga ai pas krimit dhe arritën të zbulonin banesën. “Daily Mail” ka publikuar edhe një video të momentit kur 36-vjeçari largohet duke mbajtur diçka fshehur në duar pak momente pasi mendohet se kreu krimin.
Fqinjët e Koci Selamajt shprehen se shqiptari është njeri i qetë. “Punonte me shpërndarjen e ushqimit. Është një person shumë i qetë, shikonte gjithmonë punën e tij” tha njëri prej fqinjëve të tij për mediat britanike.
Trupi i pajetë i Sabina Nessa 28-vjeçe u gjet nga një kalimtar të shtunën e kaluar, i mbuluar me gjethe pranë një parku, ku dyshohet se u vra nga shqiptari, sipas policisë angleze./db/Abcnews.al
