Komiteti i Konkurrencës i Federatës Spanjolle të Futbollit ka dënuar Ronald Koeman me dy ndeshje pezullim, për shkak të kartonit të kuq të marrë ndaj Cadiz mbrëmjen e djeshme.
Në këtë mënyrë apeli i Barcelonës nuk ka funksionuar dhe Ronald Koeman do duhet të ndjekë si një tifoz nga tribuna ndeshjet ndaj Levantes të dielën dhe atë të 2 tetorit ndaj Atletico Madrid.
Koeman u ndëshkua me karton të kuq në minutën e 95 nga gjyqtari për shkak të protestave dhe se kishte kaluar zonën ku atij i lejohet të qëndrojë.
Ndërkohë, është konfirmuar edhe dënimi i De Jong, që u ndëshkua gjithashtu me të kuq dhe do mungojë në ndeshjen ndaj Levantes. /abcnews.al
