Një burrë i quajtur Harry Potter ishte tetë vjeç kur JK Rowling lëshoi librin e parë të serisë së saj më të shitur. Babai i tij bleu një kopje menjëherë, i tronditur nga rastësia që djali i tij kishte të njëjtin emër si magjistari më i famshëm në botë.
33-vjeçari ka kaluar një jetë duke u përpjekur të bindë njerëzit se emri i tij është vërtet i njëjtë me magjistarin. “Njerëzit thjesht nuk më besojnë. Kur isha një futbollist i ri, një gjyqtar më kërcënoi me një karton të kuq sepse tha se quhesha Harry Potter.“, tha ai.
Babai i tre fëmijëve thotë më tej: “Kur takova gruan time, Philippa, me pushime në Greqi, as ajo nuk më besoi.” Potter, i cili punon si menaxher shitjesh thotë se ka raste kur emri i tij mund t’ja bëjë punën më të vështirë. “Kur telefononi dikë dhe ai ju pyet emrin, zakonisht shpërthen në të qeshura ose thonë:”Po bëni shaka”. /abcnews.al
