Mediat serbe kanë publikuar pamje të më shumë se 45 automjeteve të KFOR-it që kanë hyrë në veri të Kosovës, paraditen e së enjtes. Sipas mediave serbe, automjetet janë vendosur në dy zona, dhe një prej tyre është Leposavici. Deri tani nuk ka asnjë deklaratë zyrtare për arsyen e kësaj lëvizjeje.
Në veri të Mitrovicës ditët e fundit ka pasur protesta të shpeshta, ku serbët kërkonin heqjen e taksës 100% të vendosur nga Qeveria e Kosovës ndaj produkteve serbe dhe atyre të Bosnje Hercegovinës që hyjnë në vend. Paraditen e të premtes pritet që parlamenti i Kosovës të miratojë krijimin e ushtrisë së vendit./abcnews.al
